February 14, 2012 – ப்ரியன் கவிதைகள்.

காதலர் தின வாழ்த்துக்கள்!

நினைவுகளை தலையணையாக்கி

உறங்கிய நாளில்

கனவெல்லாம்

உன் வாசம்!

இதயத்தின் சுவரெங்கும்

நிறைகிறாய்

பின்னிரவின் மீது

பற்றி படர்ந்து விரியும்

மெல்லிசையென!

எதிர் எதிர் வந்தபோது

என் நிழலோடு உரசிக் கொண்டதற்கே

வெட்கத்தில் சிவந்துபோகிறது

உன் நிழல்!

உயிரெங்கும்

குளிர் ஊசி –

முத்தம் போர்த்திவிடு வா…

உயிர் பட்டத்தின்

கயிறு

உன் கைகளில் –

பத்திரபடுத்துவதும்;

விட்டுவிடுவதும்;

உந்தன் இஷ்டம்!

பத்திரப்படுத்தி வைத்திருந்தேன்,

என்னுள்

காதல் இன்று

செல்லாக் காசாகிவிட்டது…

– ப்ரியன்.

* 2 வருசமா Draft ல இருந்தது , இன்னிக்கு பதிக்கிறேன்.

ப்ரியன் கவிதைகள்.